العودة   منتديات مخابئ > >


الطب والصحة - السمنـة والنحافـة - الطب البديل صحة، طب بديل، تغذية، ريجيم، صحة المرأة، صحة الرجل، العناية بالجسم والبشرة


فوائد الحلبه للبشرة ...تجربة شخصية

الطب والصحة - السمنـة والنحافـة - الطب البديل

بصراحة انا قريت موضوع وقلت هجرب وفعلاً جربت وكانت النتيجة كالتالي 1- وشي اللي كان غامق ومليان نمش واثار حبوب ومكانش بيصفى غير لما اعملى ماسك ومكانش...



بصراحة انا قريت موضوع وقلت هجرب

وفعلاً جربت وكانت النتيجة كالتالي

1- وشي اللي كان غامق ومليان نمش واثار حبوب

ومكانش بيصفى غير لما اعملى ماسك ومكانش


تأثير الماسك بيطول كمان

كل ده بئه في الضياع وتعالوا شوفوا وشي ماشاء الله

نور وبشرتي فتحت ومش انا لوحدي اللي لاحظت

كده لا مرات اخويا قالتلي نفس الكلام

2- كانت في حاجات مش متظبطة في جسمي
دلوقتي كل حاجة بقت في مكانها الطبيعي

3- ملامحي بصراحة كانت قالبة على رجالي شوية
دلوقتي حاسة اني بدأت ابقى أنثى

4- شفايفي اللي كانت غامقة وشكلها وحش دلوقتي وردي وجميلة

5-اخر حاجة مش كنت اتوقعها هيه ان رموشي

مع شرب الحلبة تتقل وتطول


على فكرة انا كنت من الناس اللي بتكره سيرة الحلبة وريحتها

يعني لو حد تحتنا عامل حلبة كنت بقرف موت من الريحة

بس دلوقتي مع فوايدها دي معادش بيأثر فيا ريحة ولا حاجة من ده كله

معلومة على السريع : الحلبة بتزود هرمونات الانوثة اللي في الجسم عارفين يعني ايه هرمونات الانوثة يعني الجمال كله عارفين

لما واحدة تكون حامل وتلاقوها تحلو مع الحمل

دي بيعرفوا انها حامل في بنت لان هرمونات الانوثة

بتكون عالية في جسمها

جربوا مش هتخسروا حاجة كوباية واحدة في اليوم كفيلة

انها تقضي على السموم اللي جسمك وفي نفس الوقت

تخليكي ولا اجدعها قمر من غير ما تتكلفي ولا مليم ولا تجربي

على وشك الغلبان وصفات تبهدله

قبل ما أقولكم سلام ليا طلبين ماهو لازم استغلكم شوية بردو

اول حاجة ودي الاهم تدعولي ان ربنا يريح قلبي ويحققلي اللي بتمناه يارب



تحذير : ممنوع شرب الحلبة للحوامل دي حاجة سمعتها من الدكتورة
منقول




Powered by vBulletin® Copyright ©2000 - 2017, Jelsoft Enterprises Ltd
M5ab2 آنضم الى معجبين